Take a fresh look at your lifestyle.

थंडी, ‘मॉर्निंग वॉक’ आणि घ्यावयाची काळजी…!  

जाणून घ्या, काही उपयुक्त टिप्स.

 

प्रदूषण, थंड हवामान, धुकं अशा त्रासदायक वातावरणात जर तुम्ही मॉर्निंग वॉक किंवा रात्रीच्या वेळा चालायला जात असाल तर, स्वत:ची काळजी घेणे आवश्यक आहे. अन्यथा तुम्ही आजारी पडू शकता. त्यापासून वाचण्यासाठी नक्की कशी काळजी घ्यायची? पाहूयात…
● सकाळी चालल्याने ताजी हवा शरीरामध्ये ऊर्जा निर्माण करते. रक्तप्रवाह उत्तम राहतो. यामुळे आजारांशी लढा देण्यास मदत होते.
● हिवाळ्यात सकाळच्या कोवळ्या उन्हात चाला, जास्त फायदा होईल.

● सकाळी वॉकला जाताना थंडीपासून रक्षण करणारे स्कार्फ, मोजे, ग्लोव्हज असे उबदार कपडे घाला. यामुळे शरीरातील उष्णता टिकून राहिल.
● सकाळी वॉकला जाऊन आल्यावर कोमट पाणी प्या. यामुळे शरीराचे तापमान नियंत्रित राहील.
● सकाळचं धुकं, गार हवा यामुळे सर्दी होऊ शकते. अस्थमा, फुफ्फुसांचे त्रास होऊ शकतात. ज्यांना असे त्रास होण्याची शक्यता आहे त्यांनी बाहेर जाण्याआधी काळजी घ्यावी किंवा घरातच व्यायाम करा.
● शारीरिक दुखापत झाली असेल तर चालणे टाळा. पहिल्यांदा वॉकला जाणार असाल तर 15 मिनिटांपेक्षा जास्त वेळ चालू नका.
● कोलेस्ट्रॉलचं प्रमाण नियंत्रणात ठेवण्यासाठी सकाळी चालायला जा. कारण नियमित मॉर्निंग वॉक केल्याने कॉलेस्ट्रॉलचा स्तर नियंत्रणात राहतो.
● सकाळी लवकर उठून चालण्याची सवय लावल्यास रात्री झोपही चांगली लागते. तसेच दिवसभर फ्रेश वाटते.
● वाढत्या वयाबरोबर सकाळी किमान अर्धा तास चालल्यास शारीरिक आणि मानसिक स्वास्थ्य निरोगी राहते.
काही उपयुक्त टिप्स पाहूयात…
● चालताना शरीराचे पोश्चर सरळ ठेवा. तोंडाऐवजी नाकाने श्वास घ्या.
● शक्यतो सकाळी कोवळ्या उन्हात फिरायला जा.
● सकाळी चालण्यासह काही वेळ धावणेदेखील उत्तम व्यायाम आहे.
● मॉर्निंग वॉकदरम्यान जास्त पाणी पिणे टाळा.
● सकाळी चालायला सुरुवात करताना अगोदर चालण्याची गती सामान्य ठेवा आणि मग हळूहळू त्यामध्ये वाढ करा.