Take a fresh look at your lifestyle.

एक ई-मेल अन् जोडप्यानं गमावले तब्बल 8 कोटी…!

घटना वाचून तुम्हीही व्हाल हैराण !

0
ऑस्ट्रेलियातील सिडनी येथे सायबर क्राईममधून घडलेली घटना ऐकून तुम्हीही हैराण व्हाल, एवढं नक्की. कारण एका क्षणातच दाम्पत्याला तब्बल 8 कोटींचा फटका लागला आहे. हे सर्व नुकसान एका ई-मेलमुळे झालंय. या घटनेनंतर दाम्पत्याने रडत-रडत आपल्यासोबत घडलेला प्रसंग सर्वांसोबत शेअर केला आहे.
एका रिपोर्टनुसार, कैसी आणि त्यांची पत्नी डेनिस एविल्स स्वत:चं घर खरेदी करण्याच्या तयारीत होते. त्यासाठी त्यांनी आयुष्याची पुंजी लावली. दरम्यान या दाम्पत्याला एक ईमेल आला. ज्यात घराचं डील फायनल करण्यासाठी 8 कोटी रुपये ट्रान्सफर करण्यासाठी सांगितले होते. जोडप्याला या ई मेलमध्ये काहीही संशयास्पद वाटलं नाही. कारण हा मेल वकिलाच्या नावानं आला होता. सर्व गोष्टी व्यवस्थित वाटल्याने दाम्पत्याने व्यवहाराच्या वेळी स्वाक्षरी केली.
मात्र जेव्हा या जोडप्याने वकिलांना फोन करुन सांगितले की, पैसे ट्रान्सफर केलेत. तेव्हा वकिलाचं उत्तर ऐकून जोडप्याची झोपच उडाली. वकिलाने सांगितले मी कुठलाही ईमेल पाठवला नाही. तेव्हा या जोडप्याला धक्का बसला आणि त्यांनी पोलीस ठाण्यात धाव घेतली. दरम्यान या घटनेनंतर एका वृत्तवाहिनीसोबत बोलताना या जोडप्याच्या अश्रूंचा बांध फुटला. बँकेने ही रक्कम लवकर परत मिळतील असा विश्वास दिला असून पोलीस याबाबत सध्या तपास करत आहेत.
Leave A Reply

Your email address will not be published.