आज महिलांसाठी काही उपयुक्त टिप्स जाणून घेऊयात. यामुळे तुमचे किचनचे काम मजेदार आणि सोपे होईल…
● बदामावरील टरफल काढण्यासाठी बदाम 15 ते 20 मिनिट गरम पाण्यात भिजत ठेवा.
● साखरेच्या डब्यात 3-4 लवंगा टाका. अशाने डब्याला मुंग्या चिकटत नाहीत.
● कापलेले सफरचंद लवकरच काळे पडतात. हे टाळण्यासाठी कापलेल्या सफरचंदावर लिंबाचा रस लावा.
● कुठेही भाजले असेल तर त्या ठिकाणी केळी कुस्करून लावा. याने आराम मिळतो.
● लसूण सहजपणे सोलता यावे यासाठी ते पाण्यात भिजवा आणि नंतर त्याचे टरफल काढा.
● हिरवी मिरची जास्त काळ ताजी ठेवण्यासाठी तिची देठे काढून टाका.
● मटार हिरवे राहण्यासाठी पॉलिथिनमध्ये बांधून फ्रिजमध्ये ठेवावे.
